الحشيش المغربي

#الحشيش_المغربي 

المساحة لي كيتزرع فيها القنب الهندي فالمغرب تتساوي 47.196 هكتار

كل هكتار من الحشيش تيعطي للفلاح 1821 كيلوغرام من القنب الخام بعملية بسيطة اتلقا المغرب تينتج 135,110,916( 135 مليون كيلوغرام ) وبلا منحسبو شحال ساويين ديال الصرف و 1066 طن كتصدر سنويا للعالم

الشمال ماشي جديد عليه هاد النوع ديال الفلاحة ، بل هوما حرايفية من القرن 12 ميلادي وف سنة 1917 خرج ظهير شريف بالجريدة الرسيمة وتعدل سنة 1935 .. لي كيعطي الترخيص لقبائل كتامة وبني سدات بالحسيمة وبني خالد بشفشاون باش يزرعو الكيف لكن بشرط يبيعوه غي لشركة الدخان لي فالمغرب

تقرير دارتو الأمم المتحدة صدر من " مكتب مكافحة المخدرات والجريمة" صنف المغرب هو الأول فتصدير الحشيش وخصوصا فأوروبا 80% من الزطلة لي كاينة فأوروبا اصلها مغربي الناس لي مبليين بالزطلة فالعالم تقريبا 183 مليون شخص مما يعني أن الحشيش عليه الطلب كتر من جميع المخدرات الأخرى مجتمعة

جريدة لوموند نشرت لعام ليفات احصائية دراتها وزراة الخارجية الأمريكية قالت فيه ، أن خزينة المغرب دخلت ليه ف 2016 تقريبا 100 مليار دولار يعني 100 تريليون سنتيم مغربي 

وباش تفهم هاد الرقم كتر انعطك بعض المقارنات 

هاد العام الناتج الداخلي الخام للمغرب وصل ل 120 مليار دولار يعني كتر ب 20 مليار دولار فقط على ايرادات الحشيش

مداخيل الفوسفاط لي هي 42 مليار دولار يعني أقل من نص ايرادات الحشيش

مداخيل السياحة لي فارعين ليها بيها راسنا هي 6 مليار دولار يعني خاصنا 16 عام ديال السياحة باش نوصلو لمداخيل الحشيش فعام واحد

مداخيل المغرب من الضرائب المباشرة هي 10 المليار دولار يعني خاصنا 10 سنين الدولة تجمع فيهم الضرائب باش توصل لعام واحد ديال الحشيش

مداخيل المغرب ديال الجمارك 9 مليار دولار يعني قل ب 11 مرة من #مدخول_لحشيش

تكلفة إعمار سوريا هي من 200 الى 500 مليار دولار تعاود تبني سوريا من جديد يعني 5 السنين ديال مداخيل الحشيش المغربي تبني سوريا وطلق الويفي فابور فشوارع حلب ودير الزور

الفلوس لي دخلت السعودية من الحج سنة 2017 هو 6.70 مليار دولار أقل ب 15 مرة من لي دخلنا فالحشيش

برج خليفة لي هو أطول برج فالعالم تبنى ب 1 مليار دولار وشي صرييف يعني نقدر نبنيو 98 برج خليفة فالمغرب

معرفتش واش استوعبتو الرقم الخيالي ولا مزال . هاد الفلوس طبعا مكتصرفش داخل لبلاد بل كتخرج ل سويسرا وبانما . المزارعين لي تيفلحو القنب الهندي تيشيط ليهم غير التبن والغلة تيديوها لي تيعرفو ليها...